السلام عليكم.
ببيع عربيتي اوبل كورسا ٢٠٠٥.
العربية رشة بره دواخل فبريكا تكييف شغال ممتاز و مرايات كهربا وشبابيك كهربا بوحده رفع و لوك بعد سرعه ٣٠. العربية مشدودة تماما و مصروف عليها حوالي ٢٥ الف الفترة الي فاتت و كنت شاددها لنفسي بس محتاج الفلوس.
العربية لسه مغيرة شورت بلوك و لسه ورقه متبعتش المرور و الي هيشتري التاجر هيبعت الورق باسمه. و المكنه ما شاء الله كبسها فوق ال ١٢ كل الغرف و مفيهاش اي مشكله تماما او تسريب و ماشي عليها بقالي كام يوم.
١) طقم كاوتشات جديد
٢) علبه دركسيون خلع
٣) طقم دبرياج جديد
٣) بارات دركسيون داخلي و خارجي جديد
٤) طقم تيل فرامل امامي جديد
٥) طقم غيارات استيراد
٦) زجاج امامي جريش
٧) قاعدتين ماتور جديد
٨) رادياتير جديد
٩) حساس الكولنت جديد
١٠) بليه دبرياج بالماستر الداخلي
١١) بليه شداد + بليتين الدينامو
١٢) شجرة مياه و اكواع مياه و زيت
١٣) سوستة شكمان
١٤) سيور و فلاتر بانتظام
١٥) طقم بوجيهات gm21 التشيكي الاصليه + سلوك بوجيهات
١٦) طقم مقصات جديد
١٧)طقم تيش ميزان
العربية بما يرضي الله مفيهاش اي عيوب ميكانيكا او كهربا و كنترولات سليمه ١٠٠٪ و مصروف عليها مش هتفتح بقها من الاخر معاك الي هيبوظ هيتغير و خلاص. العربية فيها كاسيت تاتش بس التاتش مكسور عايز يتغير بس شغال بلوتوث مفيش مشكله و المرايات شغاله كهربا بس مراية شمال السائق مش بتروح يمين و شمال ( فوق و تحت بس ) . فبرة الكونتاكت بتعلق محتاجه تتغير رخيصه عادي بس مش مضيقاني بعرف اشغلها فمغيرتهاش . العربية فيها تريحه ورا شمال و كان فيها خبطة قدام يمين و اتردت علي البارد .
Al Shorouk
