مرور اكتوبر فابريكا بره وجوه فيها مرمه صغيره عند دوران الباب الخلفي ورا السائق من المالكه الاولى للسياره والصوره مرفقه توضحها ، عداد ١١٠ الف و شويه قابل للزيادة
فيها رخصه إلى شهر ٩ ٢٠٢٣ (رخصه سنه وكام شهر)
مصروف عليها والله بسافر بيها لقنا من أكتوبر ما شاء الله
تاني مالك
*الماتور ما شاء الله ، اعمل له اختبار كبس في اي مركز تحب
*العربيه بفضل الله بسافر بيها من اكتوبر لقنا وعزمها واداءها ممتاز
*تم تغيير الزيت الماتور وموجود كارت التغيير
*العفشه بدون اي ملحوظات وبالكشف تتأكد ، تم تغيير العفشه كلها عند شراء السياره مساعدين امامي و خلفي ، و كذلك تم تغيير طنابير وتيل الفرامل من سنه
*متغير لها طقم دبرياج اصلي value
*دورة التبريد كاملة طرمبة ماء و خراطيم و ريداتير ومحطوط مايه زرقا موبيل.
*تم تغيير علبة البيئه بعلبه جديده اصليه ولم افرغ القديمه.
*متركب لها طقم ليد عالي و واطي و متاح اللمبات الفابريكا بتاعتها الهالوجين بياخدها المشتري بإذن الله.
*جميع الكماليات تعمل بكفاءه وهى:
-باور ومتغير له زيت الباور من ٦ شهور
-سنتر لوك
-تكييف يعمل بكفاءه مشحون الصيف اللي فات ويعمل إلى الان.
-٤ زجاج كهرباء الاربعه اوتو داون.
-ريموت كنترول و ٢ مفتاح متغير كالون الكونتاكت. -وحدات رفع زجاج الاربع ابواب يعمل بالريموت عند الغلق.
-مرايات كهرباء.
-فرامل abs تم تغير زيت الفرامل من سنه.
-عدادات ديجيتال.
-جنوط اسبور.
-حامل سقف و معاه شبكة سهل فكها وتركيبها.
-فرش فوق فرش الفبريكة للكراسى.
-عازل حراري لزجاج الاربع ابواب مش فاميه
-كاسيت يعمل CD و بلوتوث
-سماعتين كبار بايونير في البابين الاماميين بدل السماعات اللي كانوا فيها
السيارة معها الاستبن وكوريك تمساح ومفتاح للعجل وشنطة الاسعافات و طفاية الحريق وصاموله الانكيه للاربع جنوط لعدم سرقتهم ، وكمان شبكه لحامل السقف سهل الفك والتركيب ، و طقم النور العالي والواطي الهالوجين بتوع السياره.
-بطاريه جديده
-كاوتش السياره فردتين انتاج ٢٠١٩ وفرديتين ٢٠١٧
ملحوظه :
١/((السياره تحتاج حساس شكمان EPC)) ومعي صوره الكشف بالكمبيوتر لكن غير مؤثر في الاستهلاك للبنزين اللتر داخلي بيعمل من ١٠ ل ١٢ كيلو وفي السفر ال١٠٠ كيلو بياخد من ٦ ل ٧ لتر بنزين.
٢/ فيه كلح في السقف واجزاء من السياره وممكن يتعالج برش شمع مضئ (قابل للإزالة) لو مش حابب ترش السياره وتفضل فابريكا انا كنت عامل كده و إزلته عشان اللي يشتري يكون شايف كل حاجه على الواقع ومتاح الصور لما كانت بشمع مضئ ، وكذلك بعض الحكات من المالكه الاولى للسياره وغير مؤثره السياره معايا من ٥سنوات فحصت مرور مرتين اول ما اشتريت وبعد ٣ سنين لما جددت الرخصه *الصور موضحه*
٣/مفتاح تنزيل زجاج الباب اللي ورا السائق محتاج يتغير
٤/موعد تغير طقم سير الكاتيه ١٢٠ الف كيلو
برجاء اي استفسار ممكن يكون عن طريق التواصل واتساب على رقم
حرصا على تعبك و وقتك في أيام الصيام ممكن ابعت لك كل الصور للسياره
ثم نحدد موعد المعاينه والكشف في داخل اكتوبر
(((السعر قابل للنقاش بالمعقول بما يرضي الله بعد المعاينة))) والبيع لشراء سياره اكبر وربنا يرزقنا الخير
البيع بعقد مسجل
اخيرا
الْبَيِّعانِ بالخِيارِ ما لَمْ يَتَفَرَّقا، فإنْ صَدَقا وبَيَّنا بُورِكَ لهما في بَيْعِهِما، وإنْ كَذَبا وكَتَما مُحِقَ بَرَكَةُ بَيْعِهِما
